بقلم : نورا الفايز
الحياة والله ما بتمشي دايمًا زي ما إحنا بدنا، وكل واحد فينا مرّ بأيام وجع وتعب، يمكن من موقف، من ناس، أو من حاله.
بس المهم مش إنك ما تتوجّع، المهم تعرف كيف تتعامل مع الوجع وتكمّل طريقك.
أول إشي لازم تعرفه، إنو الألم مش ضعف، بالعكس، هو جزء من الحياة. ما في حدا ما وجعه شي، الكل مَرّ بظروف بتكسر. بس الفرق إنو في ناس بخلو الوجع يحطمهم، وناس بخلوه يقويهم.
إذا وجعتك الدنيا، احكي، لا تضل كاتم. احكي مع حدا بتوثق فيه، فضفض ، أو حتى ابكي والله البكى مش ضعف، هو راحة للقلب.
الحياة فيها الحلو وفيها المر، فحاول تشوف الجانب الزين منها.
وآخر إشي، صدّقني، الوجع ما بيضلّ للأبد. ممكن ياخد وقت، بس رح يخف، ورح تتعلّم منه كثير. كل وجع بيمرّ عليك بخليك أقوى.
كل ما ضاقت فرجت والتغلّب عالألم مش إنك تنساه، بس إنك تتصالح معه وتكمل حياتك. يمكن اليوم موجوع، بس بكرا بتضحك، وبتحكي لحالك: “عدّيت منها وطلعت أقوى” فترة وتعدي "
